کور پاڼه / روغتیا / د ډېرو زړونه تر خپل اصلي عمر زاړه دي

د ډېرو زړونه تر خپل اصلي عمر زاړه دي

په بریتانیا کې یوې څېړنې وښودله چې په هرو سلو سړو کې د ۱۰ تنو زړونه، چې عمرونه یې ۵۰ کلونو ته رسېدلي، تر خپل عمر ۱۰ کاله زاړه دي.

د دې څېړنې پر اساس د دغو کسانو په هرو لسو کې یو تن د زړه د ناروغۍ یا سکتې له خطر سره مخامخ دی.

د بریتانیا د عامې روغتیا څېړنیزې موسسې د یو ملیون او ۲لکه تنو د زړونو له ازموینې او معاینې وروسته دا نتیحه ترلاسه کړې ده.

د دغو ۱۲۰۰۰۰۰ تنو په منځ کې د ۳۳ زره تنو عمرونه ۵۰ کالو ته رسېدلي وو.

دا روغتیايي موسسه اټکل کوي چې یوازې په روان سپټمبر کې به ۷ زره ۴۰۰ تنه د زړه د حملې په اثر مړه شي.

د بریتانیا په شمول په پرمختللیو هیوادونو کې، چې د اکثرو ناروغیو مخه نیول شوې یا په اسانه نیول کېږي، د زړه ناروغۍ د نارینه وو د مړینې لومړنی علت ګڼل کېږي؛ یعني تر بلې هرې ناروغۍ زیات نارینه د زړه په ناروغۍ مري خو د ښځو د مړینې دوهم لوی علت قلبي ناروغۍ ګڼل کېږي.

په اکثرو مواردو کې د زړه د ناروغیو په علت د مړینو مخه نیول کېدای شي. خو شرط دا دی چې خپل فشار او کلسترول تل معاینه او کنټرول کړئ.

 

دا هم وګورئ

aspren

اسپرین د ښځو د رحم د سرطان له مخنیوي سره مرسته کوي

 د زړه د ناروغیو د مخنیوي او اسپرین د ارتباط په اړه پخوا ډېرې څېړنې …

ځواب دلته پرېږدئ

ستاسو برېښناليک به نه خپريږي.