کور پاڼه / ځانګړي مطالب / د جاپان شهزادګۍ خپل سلطنتي موقف له مینې جار کړ
japan

د جاپان شهزادګۍ خپل سلطنتي موقف له مینې جار کړ

  د جاپان د امپراتور ماڼۍ اعلان وکړ چې شهزادګۍ (ماکو) د حقوقو له یوه لیسانس (کیي کومورو) سره کوژده کړې ده.

شهزادګۍ ماکو وايي«خوشاله یم چې د امپراتور له موافقې وروسته زموږ په نامه کېدا تایید شوه.»

دواړه ۲۵ کلن دي. دوی ۵ کاله وړاندې، چې د توکیو په کریستیان نړیوال پوهنتون کې محصلان ول، سره ولیدل.

ښاغلی کومورو وايي«وروسته له دې چې پوی شوم چې له یو بل سره مینه لرو، هغې ته مې د وړاندیز کولو پرېکړه وکړه.

ما د ۲۰۱۳ په دسمبر کې له شهزادګۍ ماکو څخه وغوښتل چې په راتلونکې کې له ما سره واده وکړي.»

 

د دوی د کوژدې تر اعلان مخکې ښاغلی کومورو په خپله سیمه کې د سیاحت لپاره د هلوځلو په خاطر د سمندر په شهزاده مشهور شوی و.

د جاپان د پېړیو- پېړیو زړو سلطنتي مقرراتو پر اساس که کومه شهزادګۍ له سلطنتي کورنۍ دباندې له چا سره واده وکړي، باید شاهي امتیازات له لاسه ورکړي.

په ۲۰۰۵ م کال د ماکو ترور له سلطنتي کورنۍ دباندې واده کړی و.

تراوسه پورې د اغلې ماکو او ښاغلي کومورو د پرېکړې په وړاندې جاپانیانو مثبت عکس العمل ښوولی دی.

https://www.facebook.com/cnn/videos/10157268075021509/

 

دا هم وګورئ

indean

  بهارتي  او کاینات په ښکلا کې سارى نه لري

د هندي فلمونو د پخوانۍ مشهورې ستورې ديويا بهارتي خور کاينات اروړا انځورونه په ټولنيزو …

ځواب دلته پرېږدئ