کور پاڼه / خبرونه / په هر ساعت کې ۵۰ افغانان د جګړې له لاسه بې ځایه کېږي
pa

په هر ساعت کې ۵۰ افغانان د جګړې له لاسه بې ځایه کېږي

په ناروې کې د پناه غوښتونکو شورا وايي، په افغانستان کې د جګړې او تروریزم د دوام له کبله په هر ساعت کې ۵۰ افغانان د خپلو کورونو پرېښودو ته اړ کېږي.

دې شورا وویل، تېر کال د ورځې په متوسط ډول ۱۲۰۰ افغانان اړ ایستل شوي چې خپلې مېنې پرېږدي او نورو سیمو ته ولېږدي.

تر دې وړاندې په مخکینیو دوو کلونو کې هم یو ملیون افغانان په خپل هیواد کې بې ځایه شوي وو.

د ناروې د پناه غوښتونکو د شورا عمومي منشي جین اګلند وايي، په افغانستان کې ناامنۍ مخ په ډېرېدو دي؛ نو له اروپايي هیوادونو او دغه راز د افغانستان له ګاونډیانو غواړي چې د افغان پناه غوښتونکو له ایستلو او په زروه خپل هیواد ته د هغوی له استولو ډډه وکړي.

د دې شورا د معلوماتو پر اساس، افغانستان د ملکي وګړو او مرستندویانو لپاره د نړۍ یو تر ټولو خطرناک هیواد دی او هره ورځ لږترلږه ۱۰ تنه ملکي افغانان وژل کېږي.

تېر کال په افغانستان کې د تاوتریخوالي له کبله ۱۷ بهرني مرستندویان ووژل شول او ۳۴ نور ژوبل شول.

دا هم وګورئ

kaja

هلمند: د کجکې بند ایراني اتباعو لخوا د ورانولو د شدید ګواښ سره مخ دی

 د هلمند والي تورن جنرال محمد ياسين ياسين وايي د کجکي د اوبو بريښنا بند …

WP Facebook Auto Publish Powered By : XYZScripts.com